Sjálfstæðismenn ætlla að halda landsfund í haust, eins og spáð var á þessum vettvangi. Fundurinn verður haldinn í bláum skugga þess að síðustu mælingar benda til þess að flokkurinn sé með rúmlega 18 prósenta fylgi og þar með á pari við Pírata. Mikill urgur er innan flokksins með frammistöðu Bjarna Benediktssonar sem stýrt hefuir flokknum inn í það að verða jafnoki smáflokka. Margt bendir til þess að Framsóknarflokkurinn eigi eftir að vaxa honum yfir höfuð. Vandinn er sá að velja arftakann. Einhverjir vilja að Guðlaugur Þór Þórðarson umhverfisráðherra taki við keflinu en Bjarni er sagður stefna að því að Þórdís Kolbrún Reykfjörð Gylfadóttir, varaformaður flokksins, gangi rauða dregilinn í formannstólinn. Guðlaugur Þór hefur aftur á móti vel skipulagðan hulduher sem er grár fyrir járnum og tilbúinn í átök fyrir foringja sinn. Bjarni má ekki til þess hugsa að Guðlaugur verði arftaki hans og óvíst er að Guðlaugur hafi kjarkinn sem þarf til þess að taka slaginn …
Athugasemdir