Katrín Jakobsdóttir, formaður Vinstri grænna, er í miklum vandræðum með flokk sinn sem er að visna upp í samstarfinu við Sjálfstæðisflokkinn. Landsfundur Vinstri grænna um helgina bar þess merki að hreyfingin er þjökuð af innanmeinum. Tugir áhrifamanna hafa sagt sig úr flokknum vegna meints dekurs Katrínar við Jón Gunnarsson dómsmálaráðherra sem vill sverfa að flóttamönnum á Íslandi og fékk samþykkt ný lög í þá veru. Þá fór Jón gegn forsætisráðherranum og vopnaði lögregluna með rafbyssum án þess að bera undir Alþingi að ríkisstjórn.
Meðal flóttamanna úr VG er einn af krónprinsum flokksins, Bjartur Steingrímsson, sonur stofnandans, Steingríms J. Sigfússonar, sem hvarf á braut með .þeim orðum að ekki væri alltaf hægt að láta allt yfir sig ganga.
Landsfundurinn var með rólegu yfirbragði að mestu þrátt fyrir ásakanir um að flokkurinn væri ekki hvorki grænn eða rauður og hefði yfirgefið hugsjónir sínar að mestu leyti. Einn fundargestur gerði þó hróp að Katrínu og kallaði hana lygara. Katrín lét sér hvergi bregða og hélt áfram ræðu sinni á meðan ófriðarseggnum var vísað á dyr. Margir dást að staðfestu Katrínar sem hvikar hvergi þrátt fyrir atgervisflótta og mótlæti sem felst í því að flokkurinn mælist við dauðamörk …