Kosningaskjálfti Kolbeins

Gríðarlegur kosningaskjálfti er nú kominn í alþingismenn sem vilja umfram allt halda í stóla sína. Meðal þeirra sem standa mun tæpt er Kolbeinn Óttarsson Proppé, alþingismaður Vinstri-grænna. Líklegt þykir, miðað við kannanir, að VG muni missa fylgi í komandi kosningum. Kolbeinn hefur gefið sig út fyrir að vera róttækur jafnaðarmaður og umhverfissinni. Hann hefur þó róast í samstarfinu við Sjálfstæðisflokkinn og siglt lygnan sjó kapítalismans á kjörtímabilinu og verið til friðs í flestum málum. Meðal þeirra sem leita að hillu fyrir næstu kosningar er Guðmundur Ingi Guðbrandsson, umhverfisráðherra og varaformaður Vinstri grænna, sem þykir hafa verið trúr stefnu flokksins og á sigurbraut. Líklegt er að hann fari fram í Reykjavík sem þá mun minnka enn möguleika Kolbeins á endurkjöri enn frekar. Draumastaða Kolbeins er sú að Guðmundur Ingi fari á sínar gömlu heimaslóðir og bjóði sig fram í Norðvesturkjördæmi og skori þar á hólm Lilju Rafney Magnúsdóttur, einn helsta stuðningsmann fiskeldis og stóriðju …