Kristján óttast smit vegna Samherja

Kristján Þór Júlíusson sjávarútvegsráðherra er að komast á endastöð í pólitík eftir nokkuð farsælan feril. Hann naut um árabil vinsælda og var um tíma talinn formannsefni í Sjálfstæðisflokknum. En svo kom Samherjamálið með ásökunum um mútur, skattsvik og fleira. Kristján dróst inn í það sem fyrrverandi stjórnarformaður og frændi eigendanna. Samherjamenn kynntu ráðherrann enda sem sinn mann fyrir nígerískum samstarfsmönnum sem nú eru sumir hverjir í fangelsi vegna Samherjamálsins. Kristján Þór hefur verið þögull um framferði sinna manna en opnar sig í Mogganum og ber hönd fyrir höfuð sér og segist hafa ráðlagt Samherjamönnum að „gera hreint fyr­ir sín­um dyr­um“ en það hafi fyr­ir­tæk­inu ekki tekist. Þá seg­ir ráðherr­ann vont að umræðan um Sam­herja smiti út frá sér og hafi neikvæð áhrif á sjáv­ar­út­vegs­inn í heild sinni …