Þriðjudagur 19. mars, 2024
-0.2 C
Reykjavik

Miskunnarlaus Guðlaugur

VefTv

- Auglýsing -

Hlaðvörp

- Auglýsing -

Guðlaugur Þór Þórðarson umhverfisráðherra hefur engan áhuga á að leysa ráðherrakrísu Sjálfstæðisflokksins með því að verða sendiherra í Washington DC eða annnarstaðar á heimsbyggðinni. Hann sýnir Bjarna Benediktssyni forsætisráðherra og aðstæðum hans fullkomið misunnarleysi og hyggst ekki hætta í stjórnmálum til að létta formanninum róðurinn, sem stendur andspænis því að þurfa að henda einum sínum nánasta bandamanni, Jóni Gunnarsyni dómsmálaráðherra út úr ríkisstjórninni.

Um helgina gekk sá orðrómur sem logi um akur að Guðlaugur Þór yrði hugsanlega sendiherra í Washington. Samkvæmt öruggum heimildum harðneitar hann þessu og mun taka slaginn áfram í pólitíkinni. Blautur draumur um að hann haldi á brott sem sendiherra mun eiga sér rætur í hópi fylgismanna Bjarna sem sáu fyrir sér hina fullkomnu lausn.

Fullyrt er að það sé versta martröð Bjarna að Guðlaugur verði formaður. Guðlaugur var nærri því að fella hann á síðasta landsfundi með yfir 40 prósent atkvæða. Engum dylst að Bjarni er á útleið, fullsaddur af fylgistapi. Eins og greint hefur verið frá á þessum vettvangi er hugmyndin sú að Þórdís Kolbrún Reykfjörð Gylfadóttir varaformaður taki við af Bjarna og þá jafnvel án kosningar í haust. Planið gerði ráð fyrir að þegar kosið yrði til formanns á landsfundi ári síðar yrði Þórdís búin að fóta sig í embættinu.

Þess er beðið í mikill spennu að Bjarni kunngeri breytingarnar á næstu dögum. Hins vegar veit enginn hvað hann er að hugsa. Sjálfur er hann þekktur fyrir að skipta um skoðun eins og gerðist í tilviki Áslaugar Örnu Sigurbjörnsdóttur sem hann tilkynnti að yrði ekki ráðherra. Áslaug upplýsti föður sinn um þessa ákvörðun Bjarna og í framhaldinu snerist Bjarna hugur og Áslaug er ráðherra …

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -