Einn af aflasælustu skipstjórum Íslands er Ólafur Jónsson, gjarnan nefndur Óli ufsi. Hann hefur um árabil glímt við óvild Þorsteins Má Baldvinssonar, forstjóra Samherja. Ólafur lýsir þessum örlögum sínum í viðtali við vefsjónvarpið Sjóarann sem kom út í tveimur hlutum.
Ólafur var rekinn af skipi sínu en fékk vinnu í veiðarfærasölu Hampiðjunni, sem sölumaður. Á þeim tíma var hann harður andstæðingur kvótans og hafði sig í frammi sem slíkur. Þetta varð til þess að stórir viðskiptavinir, með Þorstein Má broddi fylkingar, lögðu hart að Hampiðjunni að reka sölumanninn eða þeir myndu annars hætta viðskiptum. Til þess að halda starfinu og lifibrauðinu varð Ólafur að lofa að tjá sig ekki opinberlega um hið umdeilda kerfi á meðan hann væri hjá Hampiðjunni. Ólafur þagnaði og stóð við sitt á meðan hann starfaði hjá fyrirtækinu. Seinna tók hann aftur upp þráðinn og ofsóknirnar héldu áfram …