Óþægilegt fyrir Róbert

Róbert Marshall, upplýsingafulltrúi ríkisstjórnarinnar, er í snúinni stöðu eftir að Fréttablaðið upplýsti að hann vildi taka slaginn um sæti á framboðslista Vinstri-grænna í Reykjavík. Framboð hans yrði með velþóknun Katrínar Jakobsdóttur forsætisráðherra. Róbert er upplýsingafulltrúi allra þriggja flokkanna sem sitja í ríkisstjórn en ekki aðeins VG. Ekki eru allir Framsóknarmenn og Sjálfstæðismenn sáttir með að upplýsingafulltrúinn stigi pólitískan dans á sama tíma og hann starfar fyrir flokkana þrjá. Víst er talið að Róbert nái árangri innan VG ef hann tekur slaginn. Hann nýtur hylli sem útivistargarpur og býr að stóru baklandi. Þá er  hann náttúruverndarsinni fram í fingurgóma og nýtur virðingar sem slíkur. En staðan er óþægileg fyrir hann sem upplýsingafulltrúa og ekki hægt að halda bæði og sleppa …