Það hitnar stöðugt undir Bjarna Benediktssyni vegna bankabrallsins með bréf í Íslandsbanka sem faðir hans og fleiri handvaldir fengu á undirverði. Bjarni er í nauðvörn í þinginu en nýtur þó trausts Katrínar Jakobsdóttur forsætisráðherra og þar með Vinstri grænna sem styðja ráðherrann í frændhyglinni. Lilja Alfreðsdóttir viðskiptaráðherra og þar með Framsóknarflokkurinn hafði aftur á móti gert athugasemdir við framkvæmdina.
Athyglisvert er að innan Sjálfstæðisflokksins er ekki einhugur um framgöngu formannsins. Bjarni hafði ákveðið að snúa vörn í sókn og hnjóða í Pál Magnússon, fyrrverandi þingmann flokksins, og lýsti hann sem slúðurbera vegna þess að hann sagði frá því að einn þeirra sem keypti á undirverði hefði selt daginn eftir gjörninginn og grætt 10 milljónir króna. Páll, sem er annálaður skapmaður, og lét formanninn sinn ekkert eiga inni hjá sér og velti honum upp úr gömlum syndum með hlutafélagið Vafning
„Þessi fullyrðing ráðherrans er röng. Og kemur nokkuð á óvart að maður sem sjálfur hefur víðtæka reynslu af allskonar viðskiptavafningum frá því fyrir hrun skuli halda þessu fram …,“ skrifar Páll í aðsendri grein á Vísi og fullyrðir að hægt að selja þessi bréf strax daginn eftir í gegnum framvirka samninga af ýmsu tagi.
Bjarni gengur laskaður til sveitarstjórnakosninga, með óvini innandyra sem utan. Athyglisvert verður að fylgjast með framvindunni á formannsferli hans ….
Athugasemdir