Sögukennarinn og bloggarinn, Páll Vilhjálmsson, á undir högg að sækja í Héraðsdómi Reykjavíkur þar sem Þórður Snær Júlíusson, ritstjóri Heimildarinnar, og Arnar Þór Ingólfsson blaðamaður sækja að honum vegna ásakana hans um að þeir hafi staðið að byrlun og ráni á farsíma Páls Steingrímssonar skipstjóra. Fyrrverandi eiginkona skipstjórans hefur viðurkennt að hafa tekið símann ófrjálsri hendi þegar hann var meðvitundarlaus á sjúkrabeði. Páll bloggari heldur því fram að tvímenningarnir hafi í samráði við starfsfólk Ríkisútvarpsins skipulagt aðförina að skipstjóranum og að hafa ýtt konunni út í verknaðinn. Hann hefur í þessu samhengi gengið svo langt að kenna starfsfólk RÚV við glæpi.
Páll bloggar í skjóli Morgunblaðsins og þiggur laun frá Fjölbrautarskólanum í Garðabæ. Hann hefur ítrekað borið þá félaga sökum um hegningarlagabrot í tengslum við Skæruliðamál Samherja. Það er mikið undir hjá Páli því lögmannskostnaður í málinu slagar í fimm milljónir króna. Þá er hann krafinn um þrjár milljónir króna í miskabætur. Málaferlin geta því orðið honum dýrkeypt …