Ragnar Þór í hrikalegri stöðu

Ragnar Þór Ing­ólfs­son, for­maður VR, rauf þögn­ina í gær og tjáði sig var­færn­is­lega um þann fanta­skap sem átt hefur sér stað gagn­vart laun­þeg­unum á skrif­stofu Eflingar sem sagt var upp á einu bretti af Sólveigu Önnu Jóns­dóttur for­manni. Á skrif­stofu Eflingar eru 10 félags­menn VR og ættu þannig að vera skjól­stæð­ingar Ragnar Þórs sem fæst ekki til þess að for­dæma aðferð­irnar en bendir á að þær komi í fram­haldi af deilum innan félags­ins. „Ég get nú ekki tekið undir að þær séu til­efn­is­lausar vegna þess að það hefur allt logað stafna á milli innan félags­ins í tölu­verðan tíma,“ sagði verka­lýðs­for­ing­inn við RÚV um brott­rekstur félaga sinna. Félagar Ragnars innan stjórnar VR eru ekki allir á sama máli og hafa kraf­ist stjórn­ar­fundar í dag til að ræða málin. Ljóst er að sú afstaða Ragnars að for­dæma ekki brott­rekstur skjól­stæð­inga VR og taka afstöðu með vinnu­veit­and­anum hefur sett hann í hrika­lega stöðu. Það er lík­lega eins­dæmi í íslenskri verka­lýðs­sögu að for­ingi stétt­ar­fé­lags sýni brott­rekstri eigin fólks skiln­ing og forð­ist að gagn­rýna þann sem stendur að aðgerð­unum. Þessi und­ir­lægju­háttur gæti orðið Ragnari Þór, sem tal­inn hefur verið með hörð­ustu bar­áttu­mönnum verka­lýðs­ins, dýr­keyptur …