Skúli Mogenesen, stofnandi hins fallna flugfélags Wow, hefur rétt úr kútnum síðan hann setti flugfélag sitt í þrot með gríðarlegum afleiðingum fyrir íslenskt samfélag. Sumir vorkenndu kappanum á þeim erfiðu tímum en aðrir voru reiðir vegna tjónsins.
Skúli var um árabil verið einn mesti spaði viðskiptalífsins, annálaður fyrir að gefast aldrei upp. Nokkru eftir að Wow fór á hausinn lýsti hann því yfir að hann hefði lagt allt sitt undir og ætti ekkert eftur.
En Adam var ekki lengi utan paradísar. Skúli hóf mikla uppbyggingu í Hvammsvík í Hvalfirði þar sem nú eru komin sjóböð og gistiaðstaða. Svo er að sjá sem fyrirtækið skili gróða því Skúli býður þeim milljón krónur sem nær að lyfta grjóti nokkru á lóð hans í Hvammsvík. Að vísu er þetta 170 kílóa steinn sem eflaust er ekki á margra færi að hefja á loft. Tveir léttari steinar eru einnig í boði gegn verðlaunum.
Skúli malar nú gull og býður peninga á báðar hendur og hefur komið sér upp góðri eign í Hvalfirði. Hann er ekki lengur öreigi …