Sjálfstæðismenn hafda nú kynnt lista sinn í Norðvesturkjördæmi þar sem bændahöfðinginn og þingmaðurinn, Haraldur Benediktsson, situr í öðru sæti listans þrátt fyrir beinskeyttar yfirlýsingar í prófkjörsbaráttunni um að hann myndi ekki sætta sig við annað en fyrsta sæti lostans. Eftir að hafa tapað fyrir ráðherranum Kolbrúnu Þórdísi Reykfjörð Gylfadóttur, hóf hann strax að draga í land og á endanum sætti hann sig við að verða eftirbátur ráðherrans. Hann kemur því haltrandi til leiks í framboði sem telst vera það snautlegasta.
Annar yfirlýsingaglaður þingmaður Sjálfstæðisflokksins er Brynjar Níelsson sem náði ekki markmiðum sínum í Reykjavík og fékk útreið. Eftir yfirlýsingar um að hann væri hættur þingmennsku iðraðist hann og taldi marga vilja að hann tæki baráttusæti á lista. Báðir eru þingmennirnir komnir á endastöð síns pólitíska ferils og geta ekki vænst neinnar upphefðar innan flokks umfram það að ná kjöri …