Sólveig Anna situr á gulli

Bylting Sól­veigar Önnu Jóns­dóttur, for­manns Eflingar, er um það bil að verða full­framin ef hún og Ragnar Þór Pét­urs­son, for­maður VR, kom­ast í æðstu for­ystu­sveit Alþýðu­sam­bands Íslands. Sólveig Anna býðst til að verða annar vara­for­seti við hlið Ragnars Þórs og leiða sam­tökin sem hún hefur talið vera á villi­götum. Í raun eru þau, ásamt Vil­hjálmi Birg­is­syni, verka­lýðs­leið­toga á Akranesi, að boða menn­inga­bylt­ingu í sós­íal­ískum anda. Ragnar Þór er þó ekki þekktur fyrir að vera átaka­sæk­inn sem for­maður, fremur en Vil­hjálmur sem ekki á að baki neina sér­staka hörku í sam­skiptum við stór­iðj­una í Hval­firði eða atvinnu­rek­endur á Akranesi.

Vænt­an­lega er hrollur í mörgum atvinnu­rek­endum, enda hefur Sólveig Anna verið afar her­ská í orði og með rót­tækar áherslur í verka­lýðs­málum. Hún er því vís til að berj­ast af hörku og boða hik­laust til verk­falls­að­gerða. Efling ræður yfir millj­örðum í firna­sterkum verk­falls­sjóði og getur þannig greitt félögum sínum og staðið í átökum mán­uðum saman. Sólveig Anna situr því á gulli. Óljóst er þó með bak­land hennar þegar á hólm­inn kemur. Það stendur eng­inn í verk­falli nam hafa laun­þeg­ana með sér …