Sóttvarnastríð innan ríkisstjórnar

Hamingjudögum innan ríkisstjórnar Katrínar Jakobsdóttur er opinberlega lokið með því að Áslaug Arna Sigurbjörnsdóttir dómsmálaráðherra og Svandís Svavarsdóttir heilbrigðisráðherra eru komnar í stríð vegna sóttvarnaaðgerða. Áslaug Arna hefur verið þekkt af umburðarlyndi gagnvart sóttvarnabrjótum og því að vilja milda aðgerðir og jafnvel ganga gegn tillögum Þórólfs Guðnasonar sóttvarnalæknis en Svandís er á allt öðru máli og vill sem mestar hömlur í faraldrinum. Þær stöllur eru svo að skattyrðast í fjölmiðlum. Svo er að sjá sem Svandís njóti meiri stuðnings nú þegar faraldurinn er að fara í veldisvöxt á sama tíma og ferðamenn streyma til landsins í boði Sjálfstæðisflokksins og meðreiðarflokka hans. Málið gæti orðið stjórnarflokkunum afdrifaríkt í kosningunum sem eru um það bil að bresta á …