Spæjara Samherja sparkað

Lítið hefur borið á Jóni Óttari Ólafsson, spæjara Samherja, undanfarið. Fullyrt er að Þorsteinn Már Baldvinsson forstjóri hafi látið hann fjúka og þar með látið hann taka fallið. Lögreglumaðurinn fyrrverandi gat sér orð fyrir óhefðbundnar aðferðir eins og þær að sitja um Helga Seljan, fréttamann Kveiks, og ógna honum með skilaboðum úr óskráðum síma í umboði Þorsteins Más Nú hafa stjórnendur Samherja iðrast sárlega fyrir hönd starfsmanna sinna í heilsíðuauglýsingum. Skilja má af fyrirgefningarbeiðninni að þeir hafi brugðist í því að fylgjast með starfsfólki sínu. Ekki er ljóst hvort Samherji nýtir sér áfram þjónustu samverkafólks Jóns Óttars, þeirra Þorbjarnar Þórðarssonar, fyrrverandi fréttamanns, Þorsteins Steingrímssonar skipstjóra og Örnu McClure lögfræðings sem sameiginlega mynduðu teymi sem þau nefndu Skæruliða Samherja og unnu við undirróður ….