Svandís Svavarsdóttir sjávarútvegsráðherra hefur lýst því yfir að hún muni auka duglega við kvóta strandveiðimanna fyrir komandi veiðitímabil. Hún ætlar að sjá til þess að sjómennirnir fái að veiða 10 þúsund tonn í sumar með því að bæta verulega í pottinn. Svandís gerir þetta til að festa strandveiðikerfið enn frekar í sessi en það var einmitt flokksbróðir hennar og forveri á ráðherrastóli, Jón Bjarnason, sem opnaði fyrir veiðarnar á sínum tíma.
Þetta er eitur í beinum harðlínunnnar í Sjálfstæðisflokknum sem vill vernda stórútgerðina sem mest og best og ekki hleypa honum smáu að auðlindinni í meira mæli. Svandís er með dekrinu við sjómennina að sýna Sjálfstæðisflokknum fingurinn. Málið undirstrikar enn betur þá erfiðleika sem eru í samskiptum inann ríkisstjórnar. Þegar er allt á suðupunkti eftir að Bjarni Benediktsson fjármálaráðherra leyfði pabba sínum að kaupa hlutabréf á undirverði í Íslandsbanka. Fremur ólíklegt er talið að samstarfið haldi út kjörtímabilið …
Athugasemdir