Vandræðagangur er sagður einkenna fréttastofu Ríkisútvarpsins vegna mála sem snúa að Valgerði Þorsteinsdóttur skriftu. Fullyrt er að Heiðar Örn Sigurfinnsson fréttastjóri hafi einhliða lofað henni starfi sem fréttamaður Ríkisútvarpsins á Akureyri í stað Óðins Svan Óðinssonar sem er á förum þaðan eftir góða frammistöðu.
Það var bloggarinn umdeildi, Páll Vilhjálmsson, sem fyrst reifaði málið og fullyrti að Heiðar hefði verið sendur í frí tímabundið vegna málsins. Þá fullyrti bloggarinn að Stefán Eiríksson útvarpsstjóri hefði kallað sér til ráðgjafar fréttahaukana Arnar Pál Jónsson og Brodda Broddason.
Stefán hefur ekki viljað tjá sig um málið að öðru leyti en því að hann svaraði Mannlífi því til fyrir nokkru að Heiðar hefði farið í páskafrí en ekki verið sendur í leyfi vegna framgöngu sinnar. Mannlíf sendi Stefáni ítarlegar spurningar vegna málsins sem enn hefur ekki verið svarað. Þögnin ein ríkir í herbúðum RÚV …