Mikill hiti var á aðalfundi SÁÁ um liðna helgi þegar kosið var til stjórnar samtakanna. Í boði voru 16 sæti í 48 manna stjórn. Þórarinn Tyrfingsson, fyrrverandi yfirlæknir SÁÁ, mætti á fundinn með nokkurt lið harðskeyttra stuðningsmanna í því skyni að ná aftur fyrri tökum sínum. Mikill hiti var í fundarmönnum áður en gengið var til kosninganna. Niðurstaðan varð sú að Þórarinn og félagar hans náðu ekki kjöri. Anna Hildur Guðmundsdóttir, formaður stjórnar, gaf kost á sér til endurkjörs ásamt sínu fólki og hlaut næstum 80 prósent atkvæða og er ótvíræður leiðtogi. Þórarinn var þar með flengdur af sínum gömlu félögum og niðurlægingin algjör. Enginn úr liði Þórarins er lengur í stjórninni. Fæstir botna reyndar í brambolti hans en Þórarinn á að baka glæstan feril sem yfirlæknir SÁÁ og hefði getað hætt með sóma og haldið virðingu sinni …