Þungur róður Sólveigar Önnu

Sólveig Anna Jónsdóttir, formannsefni Eflingar, þarf að hafa fyrir því að ná aftur embættinu sem hún yfirgaf í fússi eftir að hún upplifði ofsóknir starfsfólks. Fæstir skildu þá ákvörðun hennar að fara í stað þess að taka slaginn. Öll spjót standa nú á Sólveigu og Viðari Þorsteinssyni vegna framkomu þeirra við starfsmenn. Sálfræðistofan Líf og sál hefur lýst á hendur þeim framkomu sem ekki þykir sæmandi stjórnendum á vinnustað. Bæði hafa gefið lítið fyrir það álit og benda á þá ósvinnu að þau höfðu ekki andmælarétt og skýrslunni var lekið til fjölmiðla án þess að þau fengju að sjá niðurstöðuna. Þrír listar eru í yfirstandandi slag. Það getur hjálpað Sólveigu þar sem andstæðingar hennar eru klofnir í tvær fylkingar. SVo ríkir ákveðinn ótti við það að Viðar og Sólveig mundi hreinsa út starfsfólkið sem nú er með tilheyrandi kostnaði og fórnum. Hinir róttækustu í félaginu vonast aftur á móti til þess að með endurkomu Sólveigar hefjist bylting öreiganna …