Borgarfulltrúinn orðhvati, Vigdís Hauksdóttir, hvarf á einni svipstundu af yfirborði jarðar þegar Helga Björg Ragnarsdóttir, skrifstofustjóri Reykjavíkurborgar, flúði starf sitt og lýsti „stöðugu áreiti og ofsóknum“ af hálfu borgarfulltrúans. Málið virðist allt vera hið alvarlegasta og lýsir dólgshætti og jafnvel fantaskap í garð embættismannsins. Fjölmiðlar höfðu hug á því að fá viðbrögð Vigdísar en aldrei slíku vant lét hún ekki ná í sig. Í herbúðum hennar var lengi grafarþögn.
En þögn hinnar málglöðu var loksins rofin þegar málið um kaup meirihluta Dags B. Eggertssonar á kynlífstækjabúðinni komst í hámæli. Þá tjáði hún sig um meint bruðl. En hin gullna spurning til borgarfulltrúans er sú hvers vegna hún hafi ofsótt embættismanninn með þeim afleiðingum sem blasa við. Ætlar hún að axla ábyrgð eða telur hún að þögnin muni svæfa málið? …