Útganga þeirra Sólveigar Önnu Jónsdóttur, formanns Eflingar, Ragnars Þórs Ingólfssonar, formanns VR og Vilhjálms Birgissonar, formanns Verkalýðsfélags Akraness, af þingi Alþýðusambands Íslands, mun örugglega draga dilk á eftir sér. Þremenningarnir höfðu ætlað að ná stjórn á samtökunum en mættu öflugri mótstöðu sem endaði með þeim ósköpum að þau gengu út, sum með fagnaðarópum.
Vilhjálmur er ekki aðeins formaður í verkalýðsfélagi. Hann er líka formaður Starfsgreinasambandisins þar sem aðild eiga félög sem þremenningarnir hafa hrakyrt og lýst fyrirlitningu sinni á. Viðbúið er að margir innan þeirra samtaka vantreysti honum og reynt verði að koma honum frá við fyrsta tækifæri. Þangað til er Starfsgreinasambandið óvirkt og Vilhjálmur í miklum vandræðum.
Það þótti þó nokkuð stórmannlegt af Vilhjálmi í gær að biðja launþega afsökunar á klofningnum í verkalýðshreyfinguninn í sömu svifum og hann gekk á dyr og sneri baki við félögum sínum. Atvinnurekendur kætast þessa dagana enda hvert verkalýðsfélag í sínu horni með baráttumálin og líkur á hagstæðri útkomu fyrir auðvaldið …