Fimmtudagur 28. mars, 2024
-2.2 C
Reykjavik

Mette vs. Angela

VefTv

- Auglýsing -

Hlaðvörp

- Auglýsing -

Eftir / Pawel Bartoszek

Athyglisverð deila spratt upp á milli Mette Frederiksen, forsætisráðherra Danmerkur, og Angelu Merkel, kanslara Þýskalands, nú á dögum. Í grein í Politiken hvatti Mette landa sína til að kaupa Lego, fremur en Playmo. Lego væri, jú, danskt fyrirtæki og nauðsynlegt fyrir Dani að styðja við danska framleiðslu eftir COVID-19. Viðspyrna dansks efnahagslífs yrði hraðari ef allir sameinuðust um þetta. Lego væri málið.

Undir þessu gat Angela Merkel ekki setið. Í langri grein í Frankfurter Allgemeine Zeitung, sem birtist samtímis í danskri þýðingu í Jyllandsposten, andmælti Þýskalandskeisarinn þessum málflutningi og hélt uppi vörnum fyrir þýska merkið Playmobil. Hún sagði enga ástæðu fyrir fólk að velja Lego fremur en Playmo. Playmo væri miklu betra.

„Það mætti halda að frú Frederiksen hafi ekki aðeins farið öfugu megin fram úr í gær, heldur stigið á Lego-kubb í leiðinni,“ sagði kanslaraynjan í greininni. „Lego eru að mínu mati verulega ofmetin leikföng. Star Wars rakettan sem maður er fjóra tíma að kubba saman á aðfangadag er horfin í óreiðuna á annan í jólum. Okkar dót helst þó saman. Og krakkar geta leikið sér með það, ekki bara skemmt það og lagað til skiptis. Ég hef hvatt þýska borgara til að sniðganga Lego og velja Playmo í staðinn. Tímarnir krefjast þess.“

„Og hvernig fannst þér Playmo-bíómyndin, Angela?“ svaraði Mette á Twitter næsta dag. „Á ekki að hvetja alla til að horfa á hana? Bara 47% á IMDB? Vandræðalegasta sem komið hefur fyrir Þýskaland eftir sameininguna? Haha!“

„Komum ekki nálægt þessari mynd. Fannst Ninjago slöpp líka,“ svaraði Angela um hæl.

- Auglýsing -

Ekki urðu þessi samskipti lengri og áttu sér sem betur fer ekki stað til að byrja með. Auðvitað má alveg sýna innlendri framleiðslu móralskan stuðning en til lengdar held ég að við öll vitum að sterkari öfl en tryggð við föðurlandið ráða því hvaða dót fólk velur.

Höfundur er borgarfulltrúi Viðreisnar.

Viltu birta pistil á man.is? Sendu okkur línu. >

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -