Fimmtudagur 28. mars, 2024
3.8 C
Reykjavik

Ágúst Ólafur er eitrað peð

VefTv

- Auglýsing -

Hlaðvörp

- Auglýsing -

Uppnám er innan Samfylkingar í Reykjavík eftir að upplýst var um  að leynileg könnun uppstillinganefndar um vinsældir frambjóðenda var lekið út. Þar kom á daginn að Ágúst Ólafur Ágústsson, alþingismaður og oddviti í Reykjavík, var víðsfjarri því að eiga möguleika á þingsæti. Þátttakendur í könnunni höfnuðu oddvita sínum en röðuðu fjórum konum og einum karli í fimm efstu sætin.

Ágúst Ólafur á sér sögu sem dólgur í samskiptum við konu. Framkoma hans flokkast sem kynferðisleg áreitni. Þingmaðurinn gekkst við athæfi sínu og vék af Alþingi, tímabundið. Þá undirgekkst hann áfengismeðferð og sneri aftur á þing og óskaði eftir fyrirgefningu. Samfylking gefur sig út fyrir að vera jafnréttissinnaður flokkur og talar ákveðið gegn hvers kyns kvenhatri. Þetta er grunntónninn í stefnu flokksins og sá sem brýtur gegn þeim boðorðum á varla afturkvæmt nema að hafa farið í gegnum hreinsunareld. Þingmaðurinn stytti sér leið og því fór sem fór.

Uppnámið eftir leynilegu kosninguna hefur kostað afsögn Birgis Dýrfjörð, nefndarmanns í uppstillinganefnd. Birgir telur höfnuna á þingmanninum vera aðför að alkóhólista sem hafi sótt sér lækningu en nú forsmáður. Þetta er rakalaus þvæla. Vandi Ágústs Ólafs er sá að afbrot hans er nánast ófyrirgefanlegt í Samfylkingu. Hann gæti komist upp með það í öðrum flokkum.

Samfylking hefur áður afgreitt þingmann út af borðinu af svipuðum ástæðum. Helgi Hjörvar var lengi í framlínu flokksins. Eftir ásakanir um að misbjóða konum hvarf Helgi af hinu pólitíska sviði. Sama krafa er uppi varðandi Ágúst Ólaf. Hann hefur einfaldlega ekki gert nóg til að öðlast þá fyrirgefningu að verða andlit flokks sem berst gegn  hvers kyns níðingshætti gegn konum. Nær útilokað er fyrir flokkinn að bjóða hann fram með þessa fortíð og eftirsjá sem er ekki sannfærandi. Þetta snýst ekki um alkóhólismann heldur áreitið gegn konunni. Ágúst Ólafur er einfaldlega eitrað peð og margir vita hvernig skákin fer ef menn sjá ekki við þeirri stöðu.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -