Föstudagur 20. maí, 2022
12.8 C
Reykjavik

Margverðlaunaðir blaðamenn flýja RÚV

Helgarviðtalið

- Auglýsing -

Orðrómur

- Auglýsing -

Það er að verða æ ljósara að eitthvað hefur verið bogið við ráðninguna á Stefáni Eiríkssyni útvarpsstjóra. Ríkisútvarpið sem verið hefur um margt leiðandi afl í að flett ofan af spillingu í landinu er nú ekki svipur hjá sjón. Margverðlaunaðir blaðamenn yfirgefa stofnunina í unnvörpum. Burðarásar Kveiksþáttanna, sem voru vandaðir fréttaþættir, eru allir hættir hjá RUV. Líkur eru á að skortur á baklandi sé helsta ástæða fyrir brotthvarfi þeirra frá bákninu.

Það er meira en að segja það að eiga í höggi við hina grimmu stjórnendur Samherja sem einskis svífast, sama hvort er hér heima eða í svörtustu Afríku og komast upp með það. Það þarf alvöru bakland þegar búið er að ráða leynilögreglumann til að hrella fólk bæði heima hjá sér eða jafnvel á kaffihúsum. Ítök Samherja eru mikil og því má vel gera því skóna að útvarpsstjóri hafi ekki þann kjark sem til þarf svo starfsmenn finni sig örugga. Það þarf enginn að efast um að honum hefur verið gerð grein fyrir mikilvægi þessa risa af stjórnendum fyrirtækisins og jafnvel af velunnurum þeirra í stjórnmálastétt. Kannski var útvarpsstjóri fyrir löngu barinn til hlýðni við yfirvaldið.

Ekki má gleyma hinum prúða Einari Þorsteinssyni

Það er ótrúlegt að þessir lykilmenn Kveiks hafi allir hrakist úr starfi eftir þessa frækilegu frammistöðu. Stefán Drengsson hrökklaðist meira að segja í gin útrásarinnar þar sem hann réð sig til Róberts Wessman. Aðalsteinn Kjartansson fór yfir á Stundina og nú síðast hvarf Helgi Seljan til starfa á Stundinni líka. Það verður gaman að sjá þá samherja sameinaða á nýjan leik á frjálsum fréttamiðli eftir flóttann af Ríkisútvarpinu. Ekki má gleyma hinum prúða Einari Þorsteinssyni sem virtist vandaður fréttamaður þrátt fyrir að honum hafi sífellt verið nuddað upp úr einni skakkri spurningu. Guðmundur Gunnarsson, fyrrverandi útvarpsmaður á svæðisútvarpi RÚV á Akureyri, hefur sagt frá því að þegar hann hóf þar störf hafi verið lögð áhersla á það við hann að honum myndi farnast vel ef hann kæmi sér vel við Þorstein Má Baldvinsson. Kannski var Stefáni Eiríkssyni sagt það líka.

Höfundur er áhugamaður um þjóðfélagsmál.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Deila

Nýtt í dag

Mest lesið í vikunni

Í fréttum er þetta helst...

- Auglýsing -