Föstudagur 29. mars, 2024
-4.2 C
Reykjavik

Skikkjuklæddur lögmaður klagar í Zuckerberg

VefTv

- Auglýsing -

Hlaðvörp

- Auglýsing -

Mér hefur borist bréf frá vitringunum á Valdimarsson. Einhver leppur Ómars Valdimarssonar lögfræðings skrifar undir bréfið fyrir hinn huglausa foringja sinn, en saman hafa þeir ekki ráðið við að skrifa það rétt. Enn og aftur er mér hótað málsókn og nú fyrir að hafa birt mynd hér á Facebook af Ómari þessum brosa.

Í færslunni með myndinni var tilvitnun í konu sem sakaði Ómar um að vinna svart og svíkja undan skatti, en það kom engin kæruhótun þar um. Bara fyrir að hafa notað þessa mynd af honum brosa, var svo sem fínasta mynd sem ég fann einmitt á Facebook. Ef Ómar er með einhverja minnimáttarkennd eða skammast sín fyrir útlitið þá er það fullkomlega óþarft. Það er og verður innrætið sem mun fella hann að lokum en ekki útlitið.
Sem fyrr segir er hótað málsókn fyrir að hafa birt þessa mynd af skikkjuprýddum riddara sannleika og siðferðis, einnig er boðuð sekt fyrir myndbirtinguna.

Við Ómar þennan vil ég segja að ég óttast hann ekki frekar en annað. Sagði í vikunni að hann hefði ekki kjark í kæru og það stendur. Kannski að hann fari í Sjóvá hvar ég hef mínar tryggingar til að fá bætur út úr heimilistryggingunni minni vegna myndarinnar. Hver veit?
Það er ekki mikið að gera hjá lögfræðingi sem liggur dögum saman á Facebook að leita sér að leiðindum. Eina tilbreytingin virðist vera að hóta málsóknum. Held að hann gæti sem hægast endað fyrir siðanefnd löfræðingaklúbbsins með þessu áframhaldi.

Leppur Ómars sendi svo annan póst þar sem fram kemur að þeir félagar hafi eins og smábörn farið klöguleiðina og klagað mig fyrir sjálfum Mark Zuckerberg, höfundi bókarinnar. Ómari til happs brást hann við og fjarlægði allt það sem sá skikkjuklæddi hafði sagt í athugasemdum um leið og myndin hvarf.
Höfundur er álitsgjafi.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -