2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

    27 vilja verða Íslandsmeistari í uppistandi

    Tuttugu og sjö skráðu sig í Íslandsmeistararakeppnina í uppistandi sem fer fram í Háskólabíói fimmtudagskvöldið 27. febrúar. Það hefur reynst forvalsnefndinni erfiðara að velja sextán keppendur úr hópnum heldur en gert var ráð fyrir en það stendur þó til að kynna keppendurna sextán á föstudaginn.

     

    Keppnin er haldin í fyrsta sinn, en undirbúningur að henni hefur staðið yfir síðan í fyrrahaust og hefur verið mikið lagt í þróun hugmyndafræðinnar. Verðlaunin eru ekki ad verri endanum því ekki bara verður viðkomandi krýndur íslandsmeistari í uppistandi 2020 heldur mun sigurvegarinn rölta af sviðinu með 500.000 krónur, ásamt fleiri vinningum. Annað og þriðja sæti munu einnig fá verðlaun.

    Júlíana Sara og Kjartan Atli vera kynnar

    Júlíana Sara Gunnarsdóttir leikkona og handritshöfundur og Kjartan Atli Kjartansson fjölmiðlamaður verða kynnar keppninnar og gestgjafar. Sveppi er sérstakur gestur kvöldsins og ekki er ólíklegt að fleiri bætist í þann hóp áður en að keppninni kemur. Það er þó allavega ljóst að þar er ekki slegið slöku við.

    AUGLÝSING


    Í dómnefnd keppninnar sitja engar smá sleggjur en þar eru goðsögnin Edda Björgvinsdóttir leikkona, Logi Bergmann Eiðsson fjölmiðlastjarna, Vala Kristín Eiríksdóttir verðlauna leikkona ársins og framleiðandi, „Hraðfrétta“ Fannar Sveinsson, Guðmundur „Gummi Ben“ Benediktsson sjónvarpsmaður, Pálmi Guðmunds sjónvarpsstjóri hjá Símanum og Steinunn Camilla Sigurðardóttir frá umboðsskrifstofunni Iceland Sync. Þessir sjö aðilar munu vega mjög þungt í valinu en áhorfendur í sal munu einnig hafa vægi í valinu á Íslandsmeistaranum í uppistandi.

    Facebook-síða hefur verið stofnuð í kringum viðburðinn.

    Lestu meira

    Annað áhugavert efni

    Nýjast á Mannlíf.is

    Nýjast á Gestgjafanum