• Orðrómur

Andri Snær hlýtur virt ítölsk verðlaun

Efnisorð

Deila

- Auglýsing -

Andri Snær Magnason hlýtur hin virtu ítölsku verðlaun Tiziano Terzani International Literary Prize, sem eru nú veitt í sautjánda skiptið, fyrir bók sína Um tímann og vatnið.

Dómnefndin segir: „Andri Snær Magnason minnir okkur á að líf okkar og tilvera er náttúrunni háð, og hún biður okkur að fylgja sínum takti. Prófraun okkar er fordæmalaus: hún snýst um að bjarga heiminum. Og það hratt. Við getum ekki hunsað þá ábyrgð sem við berum gagnvart jörðinni okkar og kynslóðunum sem koma á eftir okkur. Um tímann og vatnið er neyðarkall til heimsbyggðarinnar, skrifað á auðskilinn, áhrifaríkan og nákvæman hátt sem dýpkar skilning okkar á stærð vandamálsins.“

Il tempo e l’acqua kom út á Ítalíu árið 2020 í þýðingu Silviu Cosimini hjá forlaginu Iperborea, og hefur notið mikilla vinsælda þar. Aðrar tilnefndar bækur voru How to Stay Sane in an Age of Division eftir Elif Shafak, On Earth We‘re Briefly Gorgeous eftir Ocean Vuong, La Syrie promise eftir Hala Kodmani og Uncanny Valley eftir Anna Warner.

- Auglýsing -

Terzani-verðlaunin voru fyrst afhent árið 2004 og heiðra minningu ítalska blaðamannsins og rithöfundarins Tiziano Terzani, sem var þekktur fyrir alþjóðlegt sjónarhorn sitt og ferðasögur sem hafa selst í milljónum eintaka um allan heim. Verðlaunin verða afhent í byrjun júlí á Vicino/Lontano hátíðinni í Udine á Ítalíu.

Veistu meira um málið?

Deila

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 
- Auglýsing -

Orðrómur

Helgarviðtalið

Lestu meira

Nýtt í dag

Vopnaður unglingur handtekinn

Handtaka þurfti unglingspilt síðastliðna nótt í Breiðholti. Pilturinn er grunaður um ógnandi tilburði með eggvopni og hótanir.Foreldrar...

Í fréttum er þetta helst...

Mest lesið í vikunni

- Auglýsing -