2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

    Aron Mola og Rakel flytja Rómeó og Júlíu: Bubbi með tónleika og þér er boðið

    Forsala fyrir söngleikinn Níu líf, sem fjallar um líf Bubba Morthens í tali og tónum, hefst á miðnætti í kvöld á heimasíðu Borgarleikhússins. Boðið verður upp á sérstakan 1.000 krónur afslátt fyrsta sólarhringinn.

     

    Af þessu tilefni verður Bubbi Morthens með tónleika í Borgarleikhúsinu kl. 16 á morgun, laugardag, og er aðgangur ókeypis. Bubbi mun þar leika nokkur af sínum vinsælustu lögum sem mörg hver verða flutt í söngleiknum á Stóra sviði Borgarleikhússins síðar á þessu ári, en söngleikurinn Níu líf verður frumsýndur föstudaginn 13. mars.

    Níu líf

    Fyrsta tóndæmið úr söngleiknum var frumflutt í vikunni þegar ný útgáfa af laginu Rómeó og Júlía var gefin út. Lagið syngja þau Aron Már Ólafsson og Rakel Björk Björnsdóttir og hljómsveit sýningarinnar undir stjórn tónlistarstjórans Guðmundar Óskars spilar undir.

    AUGLÝSING


    Ólafur Egill Egilsson er höfundur söngleiksins og leikstjóri sýningarinnar og leikarar í verkinu eru þau Aron Már Ólafsson, Björn Stefánsson, Esther Talia Casey, Halldóra Geirharðsdóttir, Hjörtur Jóhann Jónsson, Jóhann Sigurðarson, Rakel Björk Björnsdóttir og Valur Freyr Einarsson.

    Listrænir stjórnendur auk Ólafs eru Ilmur Stefánsdóttir, leikmyndahöfundur, Filippía I. Elísdóttir, búningahöfundur, Björn Bergsteinn Guðmundsson, lýsing, Gunnar Sigurbjörnsson, hljóð, Elín Sigríður Gísladóttir, leikgervi, Guðmundur Óskar Guðmundsson, tónlistarstjóri, og Lee Proud, danshöfundur.

     

     

    Lestu meira

    Annað áhugavert efni

    Nýjast á Mannlíf.is

    Nýjast á Gestgjafanum