Ástarsambandi Kristínar Edwald, lögmanns og formanns landskjörstjórnar, og Þorsteins Más Baldvinssonar, forstjóra Samherja, lauk eftir að hafa staðið í nokkur ár. Parið átti samleið allt til ársins 2017 þegar upp úr slitnaði. Á vormánuðum það ár lauk sambandinu, samkvæmt heimildum Mannlífs,
Kristín og Þorsteinn hafa væði verið áberandi í samfélaginu. Mikið mæðir á Kristínu vegna mistaka við talningu atkvæða í Norðvesturkjördæmi. Hún starfar annars em lögmaður og er einn eigenda Lex.
Þorsteinn Már hefur undanfarin ár staðið í eldlínu fjölmiðla vegna mútumáls Samherja í Namibíu, misferlis í Færeyjum og aðildar hans að þeim málum. Þá hefur Seðlabankamálið svokallaða sem fjallar um meint falskt fiskverð Samherja, reynst honum þungbært. Kristín má væntanlega teljast heppin að upp úr sambandinu slitnaði áður en öll þessi orrahríð með tilheyrandi uppnámi hófst.
Því var haldið fram í Orðrómi Mannlífs að þau væru enn par. Það leiðréttist hér með og er Kristín beðin velvirðingar á þeirri fávisku sem að baki var.