2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

    Bergljót í mörgum hlutverkum um helgina

    Bergljót Arnalds bregður sér í ýmis hlutverk um helgina. Á sunnudeginum syngur hún einsöng  með kirkjukór Hraungerðis og Villingaholtssókna. Þar er á dagskrá lögin Ó helga nótt og Óskin um gleðileg jól.

     

    En á föstudags- og laugardagskvöldinu bregður hún sér í hlutverk stúlkunnar sem suðar í jólasveininum um sífellt stærri gjafir, bíl, óútfyllta tékka og snekkju. Þar skellir hún sér í jólasveinkukjól og syngur í Gamla bíói sem sérstakur gestasöngvari í Las Vegas Christmas Show.

    Í hljómsveitinni eru engir aðrir en hinn heimsþekkti Don Randi sem hefur starfað með stórstjörnum í USA og þar má nefna Frank Sinatra og Barböru Streisand. Bigband hans hefur spilað um allan heim í áratugi. Þórir Baldursson er hljómsveitarstjóri en hann vann á sínum tíma með engum öðrum en Elton John. Þá tekur Kristján Jóhannsson lagið áður en Bergljót stígur á svið. Uppselt er á alla tónleikana í Gamla bíói en kirkjan er öllum opin og aðgangur ókeypis á aðventusöngstundina á sunnudagskvöldinu.

    Bergljót Arnalds
    Mynd / Bonni

    AUGLÝSING


    „Það verður í nógu að snúast“ segir Bergljót í jólaskapi. „Allt einvala lið í kringum mann. Ekkert annað en yndislegt svona þegar jólin nálgast.“

    Bergljót Arnalds
    Mynd / Bonni

     

    Ekki missa af þessum

    Annað áhugavert efni

    Nýjast á Mannlíf.is

    Nýjast á Gestgjafanum