Best fyrir þjóðina ef Bjarni Ben gefur vinum eða ættingjum Íslandsbanka: Ókeypis peningar

Efnisorð

Deila

- Auglýsing -

Það dylst nú engum að Bjarni Benediktsson vill selja Íslandsbanka, studdur af bæði Katrínu Jakobsdóttur og Sigurði Inga Jóhannssyni. Sögusagnir eru háværar að gammar íslensks viðskiptalífs brýni nú gogga sína en áhyggjur almennings snúa helst að því að tryggt verði að allt fari eðlilega fram.

Sjá einnig: GAMMAR YFIR ÍSLANDSBANKA

Þráinn Bertelsson, skáld, leikstjóri og þjóðfélagsrýnir telur sig hafa fundið lausnina og sú lausn losi Íslendinga undan ýmsum leiðindum, blekkingum, vonbrigðum og svindlbraski. Hann segir í pistli sem hann nefnir Ókeypis peningar:

„Ef það er brýn nauðsyn fyrir þjóðina að losa sig við Íslandsbanka, hvernig væri þá að biðja fjármálaráðherra ef hann er kominn til heilsu eftir partíið í Ásmundarsal að velja 5 bestu vini sína eða uppáhalds ættingja og færa þeim bankann að gjöf fyrir hönd þjóðarinnar og biðja þá vel að njóta.“

Sé þessi leið farin, skautum við hjá blekkingum og lýðskrumi, græðum eflaust tíma og betra sálarlíf og þetta gæti, að mati Þráins losað okkur við vonbrigði og brigslyrði. Þráinn heldur áfram talningunni:

„ … og svindilbrask og ofboðslega gagnslausa Kastljósþætti og allt þetta venjulega sem fylgir því þegar forföllnum græðgissjúklingum eru afhentir ókeypis peningar með alskonar goodfellas-bófahasar og mannalátum.“

Deila

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 
- Auglýsing -

Orðrómur

Helgarviðtalið

Lestu meira

Nýtt í dag

Í fréttum er þetta helst...

Mest lesið í vikunni

- Auglýsing -