Danadrottning dundar sér í samkomubanni

Efnisorð

Deila

- Auglýsing -

Samkomubann ríkir nú í Danmörku eins og í fjölmörgum öðrum löndum, en þar í landi miðast bannið við 10 manns.

 

Margrét Danadrottning ávarpaði þjóðina í sjónvarpsávarpi þriðjudaginn 17. mars, þar sem hún hvatti fólk til að virða tilmæli og halda sig heima. Margrét sagði að fólk sem leyfði sér að blása til mannfagnaða á meðan heimsbyggðin berst við að stöðva útbreiðslu Covid19-kórónuveirunnar, væri kjánar og sýndi samborgurum sínum tillitsleysi.

„Hegðun okkar nú og á næstu dögum getur ráðið úrslitum um hvernig mál munu þróast á næstu vikum,“ sagði Danadrottning og sendi öllum þeim sem eiga um sárt að binda vegna COVID-19 sínar dýpstu samúðaróskir. Hún sagði mikilvægt að þjóðin stæði saman, en þó í ákveðinni fjarlægð.

Í myndbandi sem birtist á Facebook-síðu Ungsyddjurs má síðan sjá drottninguna dunda sér heima við í samkomubanni, og fyrst að drottningar geta haldið sig heima ættu jú allir að geta það, ekki satt?

- Auglýsing -

Athugasemdir

Lestu meira