Dillon býður upp á tónleikaröð í allt sumar: Fjöldi tónlistarmanna og ókeypis inn

Deila

- Auglýsing -

Secret Solstice hátíðin átti að fara fram núna í sumar, en var frestað vegna kórónuveirufaraldursins um eitt ár. Hátíðin heldur þess í stað röð tónleika allar helgar í sumar í garðinum fyrir aftan Dillon á Laugavegi 30.

 

Fyrstu tónleikarnir fara fram núna um helgina, 4. og 5. júlí og munu Bjartmar Guðlaugsson, Þórunn Antonia Magnúsdottir og Margeir Steinar Ingólfsson byrja veisluna klukkan 17 á laugardaginn. Eftir það munu fara fram tónleikar alla laugardaga og sunnudaga ásamt einhverjum föstudögum fram yfir Menningarnótt. Lokatónleikarnir verða 23. ágúst, sem er lokadagur menninngardagshátíðarinnar.

„Við sem stöndum að Secret Solstice hátíðinni ákváðum eftir að ljóst var að reglum um samkomur var létt af skemmtistöðum, að skipuleggja tónleikaröð í garðinum fyrir aftan Dillon á Laugavegi 30. Með því langar okkur bæði til þess að bæta einhverjum af þeim íslensku tónlistarmönnum sem áttu að spila á hátíðinni upp það tekjutap sem frestun hátíðarinnar veldur í sumar ásamt því að búa til vinnu fyrir það tæknifólk sem hefði annars unnið hjá okkur í sumar,“ segir í tilkynningu frá Secret Solstice hátíðinni.

DJ Margeir

Hvern dag munu koma fram að minnsta kosti 4 íslenskar hljómsveitir eða stakir tónlistarmenn. Samtals verða þetta 8 helgar, 17 tónleikar og að minnsta kosti 64 stakir listamenn/hljómsveitir. Hugsanlega verður bætt við um verslunarmannahelgina og menningarnæturdagana.

Listamennirnir sem fram koma þá greitt fyrir sitt framlag, en ókeypis er inn á tónleikana fyrir tónleikagesti.

„Með frábærum stuðningi okkar samstarfsaðila getum við boðið upp á alla þessa tónleika frítt á meðan pláss er í garðinum og öruggt sé að við séum að hlýða Víði,“ segir Jón Bjarni Steinsson hjá Dillon.

Gestum tónleikana og þeim sem horfa í gegnum net eða sjónvarp býðst að styrkja Unicef samtökin á Íslandi um 1.900 krónur með því að senda sms-ið Barn í númerið 1900.

Auk þess að verða sendir út á samfélagsmiðlum innlendra og erlendra samstarfsaðila þá munu tónleikarnir verða sendir út í gegnum Dice.fm og United We Stream.

Sumar tónleikaröð

Tónleikaröðin á Dillon er í boði Secret Solstice hátíðarinnar í samstarfi við  Icelandic Glacial Water, Reykjavíkurborg, Ölgerðina, Jim Beam, Tuborg, Helix Vodka, Hljóð X, Go-Pro Íslandi, K. Karlsson heildverslun, Fréttanetið, Nova,  Dillon Whiskey Bar, Chuck Norris Grill og Unicef.

Garðurinn fyrir aftan Dillon

Eftirfarandi listamenn og hljómsveitir eru staðfestir nú þegar:

Afro/Cuban Kvartett Einars Scheving (Ari Bragi, Eyþór Gunnar og Róbert Þórhallsson) , Ása, Ateria, Benni & Máni b2b, Bensol, Bjartmar Guðlaugsson, Beggi Smári, Blaffi x Örvar,Blaz Roca, Blóðmör, Captain Syrup, Carla & K-Bear b2b,Celebs, Cell 7, Daníel Hjálmtýsson ásamt hljómsveit, Diamond Thunder, Dimma, DJ Margeir,Dread Lightly,Elín Ey, Elli Grill,Fox Train Safari, Frid, Grúska Babúska, GG Blús, Högni Egils, Iris Arnis, Jói Pé og Króli, Krassasig, Kría, Krish, Krummi, Mæðraveldið, Magnús Sigmundsson, Mighty Bear, Omotrack, Orang Valante, Rívars x Karakter x Ægir, Rokky, Ruddagaddur, Rúnar Þór, Orang Valante, Séra Bjössi, Sindri Eldon and the Ways, Sprite Zero Klan, SunCity, Svavar Knútur, TTT & Samvise, Une Misere, Valby bræður, Vicky, Vintage Caravan, Volcanova,  Warmland, We Made God, Zöe, Þórunn Antonía

Fleiri listamenn og hljómsveitir verða kynntir síðar og því vert að fylgjast með á Facebook-síðu Dillon.

- Advertisement -

Athugasemdir