Ellý spáir í spilin í fullorðinsútvarpsþætti

Efnisorð

Deila

- Auglýsing -

Athafnakonan Ellý Ármanns byrjar í kvöld með nýjan útvarpsþátt á K100. Þátturinn verður öll mánudagskvöld kl. 22-00.

 

Ellý hefur undanfarna mánuði mætt sem á fimmtudagsmorgnum í morgunþáttinn Ísland vaknar á K100. Þar hefur hún spáð fyrir hlustendum í beinni útsendingu, en það eru Ásgeir Páll, Jón Axel og Kristín Sif sem sjá um þáttinn. Gestainnslög Ellýjar hafa slegið í gegn og þegar henni var boðið að vera með eigin útvarpsþátt gat hún ekki sagt annað en já.

„Ég finn fyrir mjög miklum áhuga á spádómum hjá fólki en ég hef spáð í spil lengi vel, alveg síðan ég var unglingur. Bússi sölustjóri hjá K100 bauð mér að vera með minn eigin spáþátt á K100 með lengri símatíma fyrir Íslendinga sem vilja skyggn­ast inn í framtíðina með mér og auðvitað sagði ég já!,“ segir Ellý í viðtali við MBL.

Þátturinn verður í beinni útsendingu bæði í útvarpi og mynd á mánudagskvöldum klukkan 22 til miðnættis á K100 og k100.is.

„Þá getur fólk alls staðar af landinu hringt í mig og ég spái fyrir því. Ég held að þessi tíma­setning sé alveg hreint ágæt. Þá eru yngstu fjölskyldumeðlimirnir jafnvel farnir í háttinn og við fullorðna fólkið getum notið þess að hlusta á útvarpið, kveikja á kertum og spjallað um andleg málefni á meðan ég stokka spilin,“ segir Ellý. „Svo langar mig að bjóða gestum í heimsókn í þáttinn og skoða framtíð þeirra sem þiggja vilja samhliða því hlusta með mér á notalega tónlist. Mig grunar að mánudagskvöldin verði notaleg og nærandi bæði fyrir mig og hlustendur sem vilja vera samferða mér inn í nýja viku.“

- Auglýsing -

Athugasemdir

Lestu meira