Daði Freyr Pétursson, tónlistarmaður, sem keppa mun fyrir Íslands hönd í Eurovision, svipti í morgun hulunni af nafni lags síns.
Lagið heitir 10 Years, eða tíu ár. Lagið verður frumflutt 13. mars í nýjum skemmtiþætti á RÚV, Straumar. Myndband lagsins verður frumsýnt í lok mars og einnig stendur til að gefa út tölvuleik þar sem Daði og Gagnamagnið verða í lykilhlutverki. Daði fékk íslendinga með sér í lið við gerð lagsins í sérstökum kór, 1153 sendu inn radddir sínar og hefur Daði gefið út að hann muni nota allar upptökurnar.
10 Years – Out March 13
Eurovision Song Contest
Pre-save:
Posted by Daði Freyr on Wednesday, February 24, 2021
Hópurinn stígur á svið í Rotterdam í Hollandi 20. maí á seinna undanúrslitakvöldi Eurovision, og úrslitakvöldið er síðan tveimur dögum seinna, 22. maí. Daða og Gagnamagninu er spáð góðu gengi í keppninni í ár, líkt og í fyrra, en lagið Think About Things, vakti mikla athygli þá og varð vinsælt, bæði meðal Eurovision aðdáenda og annarra.
