2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

    Frábærar viðtökur á söngleiknum um Bubba – Yfir 9000 miðar seldir á söngleikinn Níu líf

    Nú hafa yfir 9000 miðar selst á söngleikinn Níu líf, sem fjallar um Bubba Morthens í tali og tónum, en miðasalan hófst á laugardaginn. Ólafur Egill Egilsson er höfundur verksins og leikstjóri sýningarinnar sem verður frumsýnd á Stóra sviði Borgarleikhússins föstudaginn 13. mars.

     

    „Við þökkum kærlega fyrir frábærar viðtökur. Við erum svo sannarlega í skýjunum yfir þeim,“ segir Kristín Eysteinsdóttir, leikhússtjóri. „Við hlökkum mikið til þess að setja magnaða sögu Bubba Morthens á svið og það gefur öllum hópnum aukinn kraft að finna fyrir áhuga á fólks á þessari sýningu.“

    Bubbi hélt tónleika í Borgarleikhúsinu á laugardaginn, daginn sem miðasalan hófst.

    Í liðinni viku var fyrsta tóndæmið úr sýningunni frumflutt þegar ný útgáfa af einu vinsælasta lagi Bubba, Rómeó og Júlía, var gefið út. Það eru þau Rakel Björk Björnsson og Aron Már Ólafsson sem syngja lagið og hljómsveit sýningarinnar undir stjórn tónlistarstjórans Guðmundar Óskars spilar undir.

    AUGLÝSING


    Sjá einnig: Aron Mola og Rakel flytja Rómeó og Júlíu: Bubbi með tónleika og þér er boðið

    Auk Rakelar Bjarkar og Aron Más leika í verkinu þau Björn Stefánsson, Esther Talia Casey, Halldóra Geirharðsdóttir, Hjörtur Jóhann Jónsson, Jóhann Sigurðarson og Valur Freyr Einarsson.

    Listrænir stjórnendur auk Ólafs eru Ilmur Stefánsdóttir, leikmyndahöfundur, Filippía I. Elísdóttir, búningahöfundur, Björn Bergsteinn Guðmundsson, lýsing og Gunnar Sigurbjörnsson, hljóð.

    Lestu meira

    Annað áhugavert efni

    Nýjast á Mannlíf.is

    Nýjast á Gestgjafanum