• Orðrómur

Friðrik Dór er bæjarlistamaður Hafnarfjarðar 2021

Efnisorð

Deila

- Auglýsing -

Friðrik Dór Jónsson, tónlistarmaður, söngvari, lagasmiður, sjónvarpsmaður, bókahöfundur og fjölskyldufaðir í Hafnarfirði, er bæjarlistamaður Hafnarfjarðar 2021. Hann hefur frá unga aldri sungið sig inn í hug og hjörtu Hafnfirðinga og auðgað menningarlíf bæjarins með framkomu sinni, skemmtun og viðburðum. Bæjarlistamaður fær 1,5 milljónir í viðurkenningarskyni til að vinna áfram að list sinni. Hefð hefur skapast fyrir því að síðasti vetrardagur er haldinn hátíðlegur í Hafnarfirði með tilkynningu um val á bæjarlistamanni ársins.

Rósa Guðbjartsdóttir bæjarstjóri Hafnarfjarðar, Friðrik Dór, bæjarlistamaður Hafnarfjarðar 2021, og Ágúst Bjarni Garðarsson, bæjarfulltrúi og formaður bæjarráðs Hafnarfjarðar.

Hóf feril sinn með hafnfirsku hljómsveitinni Fendrix

- Auglýsing -

Friðrik Dór söng sig inn í hjörtu þjóðarinnar árið 2009 þegar hans fyrsta lag Hlið við hlið sló í gegn og hefur sent frá sér hvern slagarann á fætur öðrum síðan. Hann var valinn nýliði ársins á hlustendaverðlaunum FM957 árið 2010 og í kjölfarið kom út platan Allt sem þú átt en með henni breytti Friðrik Dór landslaginu í íslenskri tónlist og festi sig í sessi sem einn af vinsælustu tónlistarmönnum landsins. Plöturnar eru nú orðnar þrjár, Allt sem þú átt (2010), Vélrænn (2012) og Segir ekki neitt (2018), og vinnur Friðrik Dór þessa dagana að sinni fjórðu breiðskífu sem mun líta dagsins ljós á árinu en fyrsta smáskífan af væntanlegri plötu, Segðu mér, kom út í janúar.

Friðrik Dór hóf feril sinn með hafnfirsku hljómsveitinni Fendrix sem hann stofnaði með félögum sínum í Setbergsskóla þegar hann var í 8. bekk. Hljómsveitin tók þátt í Músíktilraunum árið 2003 og komst í úrslit. Þá spilaði Friðrik Dór á trommur en hann stundaði nám í Tónlistarskóla Hafnarfjarðar á sínum yngri árum. Meðal þekktra laga Friðriks eru Til í allt, Hringd’í mig, Fröken Reykjavík og lagið Í síðasta skipti sem Friðrik Dór flutti í Söngvakeppni Sjónvarpsins árið 2015. Þrátt fyrir að lenda í öðru sæti það árið var hann hluti af íslenska hópnum sem tók þátt í undankeppni Eurovision það ár og lagið afar vinsælt.

- Auglýsing -

Öllu tjaldað til í heimabænum

Undir heitinu Í síðasta skipti fagnaði Friðrik Dór þrítugsafmæli sínu með tvennum uppseldum tónleikum í Kaplakrika í október 2018 sem áttu að endurspegla ákveðin leiðarlok á ferli Friðriks. Tónleikarnir tókust einstaklega vel, Friðrik Dór fór á kostum á heimavelli og troðfullur Kaplakriki söng hástöfum með öllum vinsælustu lögum hans. Tónleikarnir voru sem betur fer langt í frá síðustu tónleikar Friðriks Dórs en hann og bróðir hans Jón Jónsson hafa til dæmis sameinað krafta sína á alvöru tónleikum í Bæjarbíó í sínum heimabæ og tjaldað öllu til enda báðir þekktir fyrir góða nærveru og mikla gleði.

- Auglýsing -

„Friðrik Dór er fjölhæfur listamaður sem hóf sína listsköpun með vinunum strax í grunnskóla og í námi sínu í Tónlistarskóla Hafnarfjarðar sem hann hefur haldið mikilli tryggð og vináttu við ætíð síðan. Hann er unga fólkinu okkar frábær fyrirmynd og hefur fetað slóðir sem marga dreymir um að feta. Hæfileikabúnt, frábær söngvari og hugljúfur lagahöfundur með hjarta sem sannarlega slær í Hafnarfirði,“ segir Rósa Guðbjartsdóttir bæjarstjóri Hafnarfjarðar. Við val á bæjarlistamanni Hafnarfjarðar kallar menningar- og ferðamálanefnd eftir tilnefningum bæjarbúa og árlega berst mikill fjöldi þeirra enda í Hafnarfirði kraftmikið menningarlíf sem elur af sér frábært listafólk.

Þeir sem hlotið hafa nafnbótina bæjarlistamaður Hafnarfjarðar í gegnum árin eru:

2020 – Bergrún Íris Sævarsdóttir, barnabókahöfundur og teiknari

2019 – Björk Jakobsdóttir, leikkona og leikstjóri

2018 – Björgvin Halldórsson, tónlistarmaður

2017 – Steingrímur Eyfjörð, myndlistarmaður

Ekki voru útnefndir bæjarlistamenn á árunum 2015 til 2016

2014 – Andrés Þór Gunnlaugsson, tónlistarmaður

Ekki voru útnefndir bæjarlistamenn á árunum 2010 til 2013

2009 – Jóhanna Guðrún Jónsdóttir, söngkona

2008 – Sigurður Sigurjónsson, leikari

2007 – Jónína Guðnadóttir, myndlistarmaður

2006 – Elín Ósk Óskarsdóttir, söngkona

2005 – Sigrún Guðjónsdóttir (Rúna), myndlistarmaður

Við óskum Friðriki Dór innilega til hamingju með titilinn og þökkum einlægt og fallegt framlag í þágu samfélagsins í Hafnarfirði frá unga aldri, segir í tilkynningu Hafnarfjarðarbæjar.

Deila

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 
- Auglýsing -

Orðrómur

Helgarviðtalið

Lestu meira

Spánverjar kunna að njóta lífsins

Snæfríður Ingadóttir, blaðamaður og ferðabókahöfundur, hefur iðulega leyft ævintýraþránni að ráða þegar kemur að ferðalögum og búsetuskiptum....

Gríma og Skúli eiga von á öðru barni

Gríma Björg Thor­ar­en­sen, inn­an­húss­hönnuður, og Skúli Mo­gensen, fyrr­ver­andi for­stjóri WOW Air, eiga von á barni í september.„Litli...

Nýtt í dag

Í fréttum er þetta helst...

Mest lesið í vikunni

- Auglýsing -