• Orðrómur

Gunnar Smári edrú í 25 ár: „Lífið er gott og fólk er fagurt“

Efnisorð

Deila

- Auglýsing -

Gunnar Smári Egilsson, stofnandi Sósíalistaflokksins, fagnar í dag aldarfjórðungs afmæli sínu án áfengis. Á þessum tímamótum segir hann lífið gott og fólk vera fagurt þó svo samfélagið gæti vissulega verið betra.

Frá afmælinu greinir Gunnar Smári í færslu á Facebook fyrir skömmu. Yfir stjórnmálaforsprakkann rignir nú heillakveðjunum.

„Samfélagið okkar gæti auðvitað verið svo miklu betra; mildara, kærleiksríkara og réttlátara.“

„Um tíuleytið á þessum degi fyrir tuttugu og fimm árum fór ég á Vog og fékk aðstoð starfsfólks og annarra sjúklinga til að taka þá ákvörðun að hætta að drekka. Ég vissi svo sem áður að áfengi og önnur vímuefni færu mér illa og gerðu mér vont, en stundum er að svo að við gerum það sem við ættum ekki að gera og kannski síst það sem við ætti helst að gera. Til að komast út úr þeirri stöðu þurfti ég hjálp og síðan hef ég leitað í félagsskap fólks til endurnýja þessa ákvörðun. Með þeim árangri að ég hef ekki drukkið eða neytt vímuefna í þennan tíma,“ segir Gunnar Smári og bætir við: 

- Auglýsing -

„Sem hafa verið mér góður og blessunarríkur. Lífið er gott og fólk er fagurt. En samfélagið okkar gæti auðvitað verið svo miklu betra; mildara, kærleiksríkara og réttlátara. Kannski ættum við safnast saman og heita hvort öðru að breyta því. Við erum félagsverur og hópdýr; tökum okkar bestu ákvarðanir í hópi, þær sem endast, frjóvgast og blómstra.“

Veistu meira um málið?

Deila

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 
- Auglýsing -

Orðrómur

Helgarviðtalið

Lestu meira

Vinir og vandamenn flytja afmælislag fyrir Þórólf – Sjáðu lagið og leynigestina

Þórólfur Guðnason sóttvarnarlæknir fagnar 67 ára afmæli sínu í dag. Af því tilefni sömdu vinir og vandamenn...

Nýtt í dag

Mest lesið í vikunni

- Auglýsing -