Gunnar Smári Egilsson, forsprakki Sósíalistaflokksins, opnar hjarta sitt upp á gátt fyrir alþjóð um leið og hann óskar eiginkonu sinni, Öldu Lóu Leifsdóttur, til hamingju með daginn.
Hina hugljúfu kveðju birtir Gunnar Smári á Facebook-síðu sinni. Þar segir hann:
„Ástin mín á afmæli í dag. Hún fæddist einu ári, einum mánuði og einum degi á eftir mér. Samt þurfti ég að ganga á eftir henni og hef aldrei náð henni, hún er alltaf á undan. Ég heiti Smári sem er clover upp á ensku. Hún heitir Lóa sem er plover upp á ensku. Þarna er bara sitthvor stafurinn sem er öðruvísi, stafirnir sem eftir standa mynda lover,“ segir Gunnar Smári og bætir við:
„Svona talar allt í heiminum til mín og segir að ég og Alda Lóa eigum að tilheyra hvort öðru. En þetta skiptir náttúrlega engu. Það eina sem skiptir máli er að sjá í ástina í augum hennar. Hún var fyrir mér uppgötvun lífsins, mig hafði ekki dreymt um að lífið gæti orðið svona gott og fallegt.“