Hátíðarsýning á Vanja frændi á afmælisdegi LR

Efnisorð

Deila

- Auglýsing -

Vanja frændi, hátíðarsýning Borgarleikhússins, verður frumsýnd í kvöld, laugardaginn 11. janúar, á Stóra sviði leikhússins á afmælisdegi Leikfélags Reykjavíkur. Leikritið er eitt af stóru meistaraverkum Antons Tsjekhovs og af mörgum talið það skemmtilegasta.

 

Mynd / Grímur Bjarnason og Bjarni Grímsson

Sagan segir frá prófessor nokkrum sem kemur á sveitasetur látinnar eiginkonu sinnar með seinni konu sína. Dóttir prófessorsins af fyrra hjónabandi og Vanja, bróðir fyrri konunnar, hafa lagt á sig ómælda vinnu í gegnum tíðina við að sinna búinu. En nú er prófessorinn orðinn gamall, hefur allt á hornum sér og hyggur á róttækar breytingar. Örvænting og vonleysi heltekur Vanja því átakamikið uppgjör er óumflýjanlegt.

Mynd / Grímur Bjarnason og Bjarni Grímsson

Leikstjóri sýningarinnar er Brynhildur Guðjónsdóttir og er þetta fyrsta verkið sem hún leikstýrir eftir velgengni Ríkharðs III sem var sigurvegari síðustu Grímuverðlauna. Leikarar í sýningunni eru þau Arnar Dan Kristjánsson, Halldór Gylfason, Hilmir Snær Guðnason, Jóhann Sigurðarson, Katrín Halldóra Sigurðardóttir, Margrét Helga Jóhannsdóttir, Sigrún Edda Björnsdóttir, Unnur Ösp Stefánsdóttir og Valur Freyr Einarsson.

Mynd / Grímur Bjarnason og Bjarni Grímsson

Listrænir stjórnendur eru auk Brynhildar Gunnar Þorri Pétursson, þýðandi, Börkur Jónsson, leikmyndahöfundur, Filippía Elísdóttir, búningahöfundur, Björn Bergsteinn Guðmundsson, lýsing, Bjarni Frímann Bjarnason, tónlist, Elín Sigríður Gísladóttir, leikgervi, og Þórður Gunnar Þorvaldsson, hljóð.

 

- Auglýsing -

Athugasemdir

Lestu meira