2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

    Íslenska kokkalandsliðið býður félögum Landsbjargar til veislu

    Ólympíuleikarnir í matreiðslu fara fram í Stuttgart í Þýskalandi 14. – 19. febrúar. Þar mætast færustu kokkar heimsins Í 32 landsliðum alls staðar að úr heiminum og þannig ljóst að það er ekki sjálfgefið að eiga lið í keppninni. Íslenska kokkalandsliðið fylgir eftir framúrskarandi árangri liðsins, en á tveimur síðustu heimsmeistaramótum hefur liðið komið heim með gullið.

     

    Í tilkynningu frá kokkalandsliðinu kemur fram að það er núna að leggja lokahönd á matseðla og ferla fyrir keppnina og æfir nú vikulega fyrir hana. Um helgina er staddur hér á landi einn eftirsóttasti dómari heims Gert Klotzke sem hefur áratuga reynslu af dómgæslu og þjálfun fyrir stórmót. Landsliðið æfir undir hans handleiðslu og liður í því á morgun er að afgreiða hátt í 110 veisludiska með þriggja rétta máltíð.

    Landsbjörg kölluð út í smakk

    Íslenska kokkalandsliðið ákvað að slá tvær flugur í einu höggi og bjóða félögum í Björgunarsveitum Landsbjargar að vera gestir á æfingunni á morgun. Þannig æfir landsliðið sig fyrir Ólympíuleikanna og þakkar félögum í Landsbjörg fyrir hönd þjóðarinnar fyrir óeigingjarnt starf þeirra, en sérstaklega hefur mætt á sveitum Landsbjargar síðustu vikur og misseri og jafnvel eru einhverjir meðlimir í útkalli þegar þetta er skrifað. Á æfinguna koma því 70 gestir frá Landsbjörgu og aðrir gestir eru meðlimir í klúbbi matreiðslumeistara sem starfað hafa sem dómarar eða tekið þátt í landsliðsverkefnum.

    AUGLÝSING


    Landsliðið er leiðandi í þróun íslensks eldhúss og matarhefðar

    Forseti Klúbbs matreiðslumanna er Björn Bragi Bragason en klúbburinn á og rekur Kokkalandsliðið. „Liðið keppir stolt fyrir hönd íslensku þjóðarinnar í alþjóðlegum stórkeppnum og þróar um leið íslenskt eldhús og matarhefðina. Við byggjum á gömlum merg hvað varðar hráefnin okkar en um leið fögnum við og tileinkum okkur aðferðir, stefnur og strauma sem berast utan úr heimi. Kokkalandsliðið er samsett af hópi kvenna og karla, nútíma Íslendingum sem eiga uppruna sinn víða í veröldinni.“

    Íslenskt hráefni í hávegum haft

    Kokkalandsliðið vinnur með alíslenskar áherslur í gegnum keppnina og lögð er mikil áhersla á sérvalið sígilt íslenskt hráefni þar sem íslenskur þorskur, íslenskt lamb og Ísey skyr verða í aðalhlutverkum.

     

    Ekki missa af þessum

    Annað áhugavert efni

    Nýjast á Mannlíf.is

    Nýjast á Gestgjafanum