• Orðrómur

Klúbbur matreiðslumeistara kynnir Kokkalandsliðið 2021-2022

Efnisorð

Deila

- Auglýsing -

Klúbbur matreiðslumeistara sem á og rekur Kokkalandsliðið hefur valið landsliðshópinn sem tekur þátt í næsta heimsmeistaramóti í matreiðslu. Fremstu matreiðslumenn heims munu þyrpast til Lúxemborg í nóvember 2022 þar sem mótið verður haldið. Hópur sem valinn hefur verið samanstendur af reynsluboltum í keppnismatreiðslu og öflugum nýliðum öll með mikinn metnað til að ná langt í faginu.

Kokkalandsliðið 2021-2022

Ari Þór Gunnarsson er þjálfari liðsins, hann hefur mikla keppnis- og þjálfunar eynslu, hann hefur keppt í Kokkur ársins og var meðlimur í Kokkalandsliðinu sem keppti á Heimsmeistaramótinu 2014 og 2018. Ari var aðstoðarþjálfari fyrir Norrænu nemakeppnina 2011 og 2012 en var svo aðalþjálfari 2013 og 2014 með góðum árangri. „Hópurinn er öflugur og verkefnið er spennandi, í krefjandi keppni eins og heimsmeistaramóti er mörg atriði sem hafa áhrif á lokaniðurstöðuna. Það er verkefni mitt og hópsins að einbeita okkur að því að vera með allt upp á 10,“ segir Ari aðspurður um hvernig verkefnið leggist í hann. Hópurinn hefur þegar hafið æfingar og mun æfa stíft næstu 18 mánuði.

- Auglýsing -

Ari Þór Gunnarsson

„Það að keppa fyrir Íslands hönd með íslenskt hágæðahráefni í forgrunni er ótrúlega spennandi og hlítur að vera draumur hvers matreiðslumanns,“ segir Ísak Aron Jóhannsson landsliðsmaður en þetta er ekki í fyrsta skipti sem hann æfir fyrir stórmót því hann var meðlimur í Kokkalandsliðinu sem náði þriðja sætinu á Ólympíuleikunum í Stuttgart í febrúar á síðasta ári.

Ísak Aron Jóhannsson

- Auglýsing -

Hópurinn samanstendur af níu matreiðslumönnum:

Aron Gísli Helgason Rub 23 Akureyri

Gabríel Kristinn Bjarnason aðstoðarmaður Bocuse d´or

- Auglýsing -

Garðar Aron Guðbrandsson mötuneyti Símans

Erla Þóra Bermann Pálmadóttir Fjallkonan

Ísak Aron Jóhannsson Lux veitingar og Sælkerabúðin

Ísak Darri Þorsteinsson Lux veitingar og Sælkerabúðin

Jakob Zarioh Baldvinsson Sumac

Sindri Guðbrandur Sigurðsson Héðinn Kitchen & Bar

Sveinn Steinsson mötuneyti Efla verkfræðistofa

„Það verður spennandi að fylgjast með þessum hóp næstu mánuðina,“ segir Þórir Erlingsson forseti Klúbbs matreiðslumeistara. „Það að fylgjast með metnaðarfullum matreiðslumönnum vinna með íslenskt hráefni og þróa rétti sem eiga möguleika á stóra sviði keppnismatreiðslunnar væri ekki hægt nema fyrir velvilja styrktaraðila okkar.“

Þórir Erlingsson

Kokkalandsliðið heldur úti síðum á samfélagsmiðlum og heimasíðu.

Veistu meira um málið?

Deila

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 
- Auglýsing -

Orðrómur

Helgarviðtalið

Lestu meira

Nýtt í dag

Í fréttum er þetta helst...

Mest lesið í vikunni

- Auglýsing -