2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

    Lagaröðin í úrslitum Söngvakeppninnar 2020: Aðeins eitt lag sungið á íslensku

    Nú hefur verið ákveðið í hvaða röð lögin fimm koma fram á úrslitum Söngvakeppninnar 2020 sem fara fram í Laugardalshöll 29. febrúar. Þar mun koma í ljós hvaða lag verður fulltrúi Ísland í Eurovision söngvakeppninni sem haldin verður í Rotterdam 12., 14. og 16. maí.

     

    Höfundar laganna hafa nú ákveðið á hvaða tungumáli lögin verða flutt í úrslitunum en reglur keppninnar kveða á um að á úrslitakvöldinu skulu öll lögin vera flutt á því tungumáli  sem höfundur hyggst flytja lagið í Eurovision söngvakeppninni í Rotterdam, sigri lagið hér heima.  Fjögur laganna verða flutt á ensku í úrslitunum í ár og eitt á íslensku.

    Hér er keppnisröð laganna í úrslitunum

    Ísold og Helga
    Mynd / Baldur Kristjáns

    AUGLÝSING


    Meet me halfway – Ísold og Helga
    Lag: Birgir Steinn Stefánsson og Ragnar Már Jónsson
    Enskur texti: Birgir Steinn Stefánsson, Ragnar Már Jónsson og Stefán Hilmarsson
    Kosninganúmer: 900-9901

    Daði Freyr
    Mynd / Baldur Kristjáns

    Think about things – Daði og Gagnamagnið
    Lag: Daði Freyr
    Enskur texti: Daði Freyr
    Kosninganúmer: 900-9902

    Nína Dagbjört
    Mynd / Baldur Kristjáns

    Echo – Nína
    Lag: Þórhallur Halldórsson og Sanna Martinez
    Enskur texti: Þórhallur Halldórsson, Christoph Baer, Donal Ryan og Sanna Martinez
    Kosninganúmer: 900-9903

    Iva
    Mynd / Baldur Kristjáns

    Oculis Videre – Iva
    Lag: Íva Marín Adrichem og Richard Cameron
    Enskur texti: Richard Cameron
    Kosninganúmer: 900-9904

    DIMMA
    Mynd / Baldur Kristjáns

    Almyrkvi – Dimma
    Lag: Dimma
    Íslenskur texti: Ingó Geirdal
    Kosninganúmer: 900-9905

    Öll lögin er hægt að nálgast á songvakeppnin.is, YouTube, Spotify og fleiri tónlistarveitum

    Kosningafyrirkomulagið verður eins og í fyrra.  Alþjóðleg dómnefnd, sem tilkynnt verður á keppnisdegi, vegur helming á móti símakosningu almennings í fyrri hluta úrslitanna. Þau tvö lög sem fá flest stig fara þá áfram í svokallað einvígi og þá hefst önnur kosning á milli þeirra tveggja . Í þeirri kosningu gilda eingöngu símaatkvæði almennings en atkvæðin sem lögin fengu í fyrri kosningunni fylgja lögunum inn í einvígið. Það verður því stigahæsta lag kvöldsins sem fer með sigur af hólmi.

    Mikið verður um dýrðir á úrslitakvöldinu en auk laganna fimm sem keppa mun Hatari, sigurvegari keppninnar í fyrra og norska sveitin Keiino, sem hlaut flest símaatkvæði áhorfenda í Eurovision söngvakeppninni í fyrra, stíga á svið.

    Lestu meira

    Annað áhugavert efni

    Nýjast á Mannlíf.is

    Nýjast á Gestgjafanum