Einstakur árangur íslenskra kvenna í CrossFit íþróttinni er umfjöllunarefni myndbands sem CrossFit samtökin birtu í gær á Instagram. Dætur Íslands, þær Annie Mist Þórisdóttir, Katrín Tanja Davíðsdóttir og Sara Sigmundsdóttir koma fram í myndbandinu sem tekið var fyrir nokkrum árum.
„Það er auðvelt að taka ekki eftir Íslandi á landakorti heimsins. En á landakorti CrossFit heimsins er það risastórt. Af einhverri ástæðu er fólkið sem kallar þetta litla land heimili sitt í hörkuformi,” segir í upphafi myndbandsins.
View this post on Instagram
Annie Mist, Katrín Tanja og Sara hafa verið á toppnum í CrossFit heiminum í mörg ár og komist ítrekað á verðlaunapall á heimsleikunum. Annie Mist var hraustasta kona heims 2011 og 2012, og var í öðru sæti 2010 og 2014, og í þriðja sæti 2017. Árin 2013 og 2015 keppti hún ekki. Katrín Tanja var hraustasta kona heims 2015 og 2016. Sara var í 3. sæti 2015 og 2016.
