2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

    „Með Ljósafossinum erum við að minna á mikilvægi endurhæfingar fyrir krabbameinsgreinda“

    Hinn árlegi Ljósafoss niður hlíðar Esjunnar mun eiga sér stað í 10. skiptið á morgun, laugardaginn 16. nóvember. Mikill fjöldi hefur boðað komu sína og ætlar til að mynda Sigurður Ingi Jóhannsson, samgöngu- og atvinnumálaráðherra, að ganga með flokkssystur sinni, Þórunni Egilsdóttur, sem sótt hefur þjónustu í Ljósið.

     

    „Með Ljósafossinum erum við að minna á mikilvægi endurhæfingar fyrir krabbameinsgreinda. Það er hreint ótrúlegt að hugsa til þess að þetta sé 10. skiptið sem við göngum. Ég vona að sem flestir sjái sér fært að taka þátt í þessum árlega viðburði okkar, bæði þeir sem eru vanir vetrargöngum og einnig þeir sem vilja fara stutt eða bara njóta í Esjustofu og fylgjast með fossinum koma niður – Allir eru velkomnir,“ segir Erna Magnúsdóttir stofnandi og forstöðurmaður Ljóssins.

    Sólveig og Erna ásamt Þorsteini Jakobssyni (Fjallasteini) sem er einmitt upphafsmaður göngunnar

    AUGLÝSING


    „Í ár bregðum við út af laginu og byrjum fjörið klukkan 15 þegar Ari Eldjárn stígur á svið með uppistand og í kjölfarið tekur Birgir Sævarsson, ungur og upprennandi söngvari við að hita upp mannskapinn fyrir gönguna,“ segir Sólveig Pálsdóttir markaðs- og kynningarstjóri Ljóssins.

    Viktor Ellertsson, Hrönn Veronika Runólfsdóttir og Jóhann Freyr Jóhannsson og hundurinn Hespa.

    Klukkan 16 gengur hópurinn af stað upp að Steini og snýr þar við og tendrar á höfuðljósum svo að úr verður fallegur Ljósafoss . Er þetta gert til að minna á mikilvægi starfsemi Ljóssins sem er endurhæfingar-og stuðningsmiðstöð fyrir krabbameinsgreinda og aðstandendur þeirra.

    Björgunarsveitin Kjölur verður á staðnum. Opið verður í Esjustofu fyrir þá sem vilja koma og berja fossinn augum og eiga notalega vetrarstund. Veitingar verða til sölu.

    Meðfylgjandi myndir voru teknar í vindasamri göngu í fyrra. „Í ár verður betra veður segja sérfræðingarnir í þessu,“ segir Sólveig.

    „2019 hefur verið metár í Ljósinu en við höfum aldrei tekið á móti jafn mörgum einstaklingum í þjónustu. Við erum að bregðast við þessari miklu fjölgun og höfum fest kaup á húsi og verður flutt á Langholtsveginn á næstu vikum. Það mun leyfa okkur taka á móti enn fleiri Ljósberum í þjónustu. Við hvetjum því alla sem vilja gerast Ljósavinir til þess að fara á vefinn okkar,“ segir Erna.

    Einar Bjarnason.

    Í hverjum mánuði nýta sér yfir 450 manns á mánuði þjónustu Ljóssins. Þar starfar fjölbreyttur hópur fagaðila; iðjuþjálfar, sjúkraþjálfarar, sálfræðiráðgjafi og annað sérhæft starfsfólk sem leggur grunn að andlegu, líkamlegu og félagslegu þreki þeirra sem greinast með krabbamein.

    Nánari upplýsingar má finna á á Facebook viðburði göngunnar,  heimasíðu Ljóssins og hjá Ernu í síma 6956636- 8990250 eða Sólveigu í síma 696-0493.

    Ekki missa af þessum

    Annað áhugavert efni

    Nýjast á Mannlíf.is

    Nýjast á Gestgjafanum