2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

    Skítamórall í beinni í samkomubanni: Birgitta Haukdal og leynigestur troða upp

    Föstudagspartý Skítamórals verður í beinni útsendingu frá Eldborgarsviði Hörpu á RÚV 2 í kvöld kl. 21.10.

     

    Hljómsveitin Skítamórall er ein farsælasta hljómsveit sinnar kynslóðar á Íslandi. Hún fagnar um þessar mundir 30 ára starfsafmæli með nýju lagi og tónleikum í Eldborgarsal Hörpu sem áttu að fara fram 9. maí, en hefur nú verið seinkað til 16. júní.

    Skítamórall

    Í ljósi aðstæðna ætlar hljómsveitin að slá tvær flugur í einu höggi í kvöld. Þá ætla þeir að máta sviðið í Eldborg og prófa hvernig öll þeirra bestu lög hljóma þar en um leið hleypa þjóðinni í heimsókn og leyfa henni að taka þátt í þessari upphitun. Nokkrir góðir gestir munu kíkja í heimsókn til strákana sem þó munu í einu og öllu fylgja reglum Víðís um 2 metra nálgunarbann.

    AUGLÝSING


    Birgitta Haukdal

    Strákarnir buðu Birgittu Haukdal að vera gestur sinn í kvöld og ætlar hún að skemmta landsmönnum með strákunum í nokkrum lögum. Þá verður annar sérstakur leynigestur sem sló eftirminnilega í gegn með drengjunum árið 1998 og hefur stjarna hans skinið skært allar götur síðan.

    Streymi verður á Facebook-síðu hljómsveitarinnar, frá Einar Ágúst og YouTube-síðu Hörpu samhliða útsendingu RÚV2 og Rás 2.

    Hægt verður að taka þátt í umræðunni og senda óskalög á Twitter með myllumerkinu #skimo2020.

    Lestu meira

    Annað áhugavert efni

    Nýjast á Mannlíf.is

    Nýjast á Gestgjafanum