2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

    Mosi frændi er ekki af baki dottinn

    Mosi frændi sendir nú frá sér aðra stúdíóplötu sína sem ber heitið Aðalfundurinn. Platan kemur út 20. janúar á Spotify og inniheldur tólf ný frumsamin lög. Innblástur þeirra er meðal annars sóttur í kafaraveiki, kynlíf, fundahöld og fíkniefni.

    Mosi frændi er þekktur fyrir grípandi lög og líflega tónleika og á plötunni er þessari tilfinningu skilað til hlustenda. Öll lögin voru tekin upp í lifandi flutningi og aðeins minniháttar breytingar gerðar eftir á. Niðurstaðan er hress og hrá plata sem verður gefin út á rafrænum efnisveitum, auk þess að koma út í fimmtíu tölusettum eintökum á kassettu.

    Fyrsta útgáfa Mosa frænda var einmitt kassetta þegar kassettur voru ennþá til á hverju heimili. Sú spóla, sem kallaðist Suzy Creamcheese for president, er eftirsóttur safngripur í dag, rétt eins og vínylsmáskífan með slagaranum Katla kalda sem sló í gegn sumarið 1988. Enn eru þeir að, gömlu mennirnir og láta sko ekki deigan síga.

     

    AUGLÝSING


     

    Lestu meira

    Annað áhugavert efni

    Nýjast á Mannlíf.is

    Nýjast á Gestgjafanum