2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

    Músíktilraunir: Opið fyrir skráningar

    Í bílskúrum og bakhúsum um allt land ómar frá þrotlausum æfingum ungs tónlistarfólks þessa dagana. Það skyldi engan furða enda er tónlistarlífið á Íslandi annálað fyrir grósku og fjölbreytni. Grasrótarstarf þrífst blómlega og sífellt nýjar lendur kannaðar, straumar í tónlist umbreytast jafnóðum sem þeir verða til og í hverju horni er spennandi hluti að heyra.

     

    Tónlistarhátíðin Músíktilraunir hefur verið einn af vorboðunum í íslensku tónlistarlífi undanfarna áratugi, þar sem unga kynslóðin opinberar hvað efst er á baugi hverju sinni og framúrskarandi tónlistarfólk sýnir hvers það er megnugt. Músíktilraunir veita nýjabruminu veglegt innlegg í reynslubankann og fá þau að prófa flugfjaðrirnar á vettvangi sem styður þau heilshugar.

    Í dag, föstudaginn 21. febrúar hefst skráningin til þátttöku í Músíktilraunum og stendur hún til 2. mars. Ungmennum á aldrinum 13-25 ára gefst kostur á að taka þátt í Músíktilraunum 2020 í Norðurljósasal Hörpu 21.-28. mars. Ekki hika við að senda inn þitt demó, þú gætir verið næsti sigurvegari Músíktilrauna.

    Skráning er á vef Músíktilrauna.

    AUGLÝSING


     

     

    Lestu meira

    Annað áhugavert efni

    Nýjast á Mannlíf.is

    Nýjast á Gestgjafanum