Leikkonan Natalie Portman vakti mikla athygli á Óskarsverðlaununum en hún vakti athygli á skorti kvenna í tilnefningum með einstökum hætti.
Portman klæddist skikkju með ísaumuðum nöfnum allra þeirra kvenna sem ekki voru tilnefndar til Óskarsverðlauna fyrir bestu leikstjórn. Greta Gerwig leikstjóri Little Women er ekki tilnefnd og hefur það verið harðlega gagnrýnt, en myndin er tilnefnd til sex verðlauna, þar á meðal sem besta kvikmynd.
Aðeins ein kona hefur unnið óskarsverðlaun fyrir bestu leikstjórn í sögu verðlaunanna og hefur óskarsakademían verið gagnrýnd fyrir þá staðreynd.
AUGLÝSING
