Steinunn Camilla rifjar upp LA-árin: „Við vorum alveg í „Me Too“ umhverfi“

Efnisorð

Deila

- Auglýsing -

Steinunn Camilla umboðsmaður eða Steinunn í Nylon eins og einhverjir þekkja hana, er annar gesturinn í hlaðvarpi Einars Bárðarsonar, Öll trixin. Hlaðvarpið Öll trixin er hlaðvarp um íslenskt tónlistarlíf, allt um tónlistarbransann með tómat, sinnep og steiktum eins og Einar kynnir sjálfur í upphafi.

Steinunn Camilla og Einar ræða málin í tveimur þáttum, en það er tæplega til sá aðili sem fylgdist með tónlist á Íslandi síðustu 20 árin sem ekki þekkir til tengsla þeirra Einars. Hann stofnaði Nylon flokkinn sem Steinunn var meðlimur í og þau unnu saman bæði hér heima og í Bretlandi um nokkurra ára skeið. í London gaf Nylon út tvö lög og náðu þær inn á topp 30 á breska vinsældalistanum Hérna heima gaf Nylon út þrjár plötur og eitthvað af einstökum lögum, þá gerðu þær þáttaraðir á Skjá einum, DVD disk og bók svo eitthvað sé nefnt.

Ein fárra mynda sem til er af Nylon flokknum og umboðsmanninum þeirra Einari Bárðarsyni en í bakgrunninn sést lögfræðingurinn þeirra í Bretlandi Ian Penmann.
Mynd / Aðsend

„Frábært að rifja upp öll ævintýrin“

„Við Steinunn fengum okkur kaffi um daginn og spjölluðum um Nylon ævintýrið og árin sem tóku svo við hjá þeim í Bandaríkjunum. Það var mjög skemmtileg upprifjun fyrir okkur bæði held ég,“ segir Einar. „Margt sem ég var forvitinn um frá LA árunum þó ég hafi alltaf náð að fylgjast ágætlega með því sem þær voru að gera. Í dag eru Steinunn Camilla og Soffía Kristín samstarfskona hennar að gera svo góða hluti að það er unun að fylgjast með þeim vinna. Þær eru klárlega umboðsmenn Íslands í dag.“

Nylon ásamt Brian May.
Mynd / Aðsend

Frá Hilton til UK á  Wembley með Brian May og þaðan til LA og svo heim á toppinn

Leiðir þeirra Einars skildu þegar Nylon héldu til Los Angeles í kringum 2008 þar sem þær freistuðu gæfunnar en Einar og Nylon stelpurnar hafa alltaf haldið tengslum og verið góðir vinir. Samtalið í hlaðvarpinu fer ansi víða frá áheyrnarprufum á Hilton yfir í búningsherbergi Brian May á Wembley árið 2006, til LA og aftur heim á toppinn í bransanum hérna heima á Íslandi. Svo hressilegt var spjallið að ákveðið var að skipta því í tvo þætti merkta 2 og 3 en sá fyrri er meira um samstarfið og undanfara þess sem Steinunn er að gera í dag og sá seinni meiri um umboðsstörfin í dag.

Steinunn Camilla umboðsmaður og Auður, Auðunn Lúthersson umbjóðandi hennar sem á dögunum var tilnefndur til sex verðlauna á Íslensku tónlistarverðlaununum.
Mynd / Aðsend

Einn eftirsóttasti umboðsmaður landsins í dag 

Steinunn Camilla er klárlega einn eftirsóttasti umboðsmaður Íslands ásamt Kristínu Soffíu samstarfskonu hennar en saman reka þær Iceland Sync umboðsskrifstofuna og sinna erindum nokkurra all vinsælustu poppstjarna landsins.Þar nægir að nefna listafólk eins og Bríet, Auður, Krassa Sig, Cell7 og Klöru Elías.

„Veist þú eitthvað um þetta?“

En sú velgengni fæddist ekki á einni nóttu og Steinunn segir það hafi tekið langan tíma fyrir hana að sanna sig fyrir bransanum hérna heima. Fólk hafi óafvitað jafnvel talað niður til hennar og henni leið stundum eins og hún fólk afskrifaði hana. „Þegar ég kom heim til Íslands eftir öll þessi ár í bransanum og fór að taka fyrstu fundina þessu tengt þá var stundum litið á mig og ég fann að fólk var að hugsa: „Veist þú eitthvað um þetta?“

Stelpurnar ásamt Bruno Mars og félögum Mynd / Aðsend

Þrettán tilnefningar til Íslensku tónlistarverðlaunanna 

Þegar tilnefningar til Íslensku tónlistarverðlaunanna voru lesnar upp um daginn fengu tveir umbjóðendur Iceland Sync, þau Bríet og Auður, samtals 13 tilnefningar. Árangur margra ára vinnu Steinunnar Camillu og Kristínar Soffíu og undirbúningur þeirra beggja í námi erlendis og reynsla af öllu því sem þær hafa gengið í gegnum er þannig að skila sér margfalt fyrir þær og umbjóðendur þeirra í dag.

Nylon flokkurinn þegar hann kom fram í lokaþætti X factor á Íslandi árið 2006.
Mynd / Aðsend

„Við vorum náttúrulega bara börn“

Steinunn Camilla og Einar tala um byrjunina á Nylon flokknum og hvernig allir foreldrar stelpnanna voru boðir á fund með stelpunum þegar lesið var yfir fyrsta samninginn á milli Concert umbosaskrifstofu Einars og stelpnanna fjögurra. Því þrátt fyrir að þær væru orðnar lögráða þá vildi umboðsskrifstofan hafa alla með í ráðum og gæta þess að allir vissu út frá hverju væri verið að vinna. Þá ræða þau allt frá áhorfendaprufunum að því þegar stelpurnar þvældust um Bretland þvert og sannarlega endilangt að skemmta í skólum, félagsmiðstöðvum og stærstu tónleikasölum landsins með McFly, Girls Aloud og Westlife.

Nylon flokkurinn á stórtónleikum á Laugardalsvelli sumarið 2007.
Mynd / Aðsend

„Við fengum alveg fáránleg tilboð“ 

Steinunn Camilla talar um ævintýrin í Los Angeles með Ölmu og Klöru undir nafninu Charlies og hvernig gekk að þræða sig þrjár í gegnum karllægan bransann. „Við vorum alveg í „Me Too“ umhverfi en við vorum náttúrulega þrjár saman og það hjálpaði rosalega,“ segir Steinunn Camilla þegar Einar spyr út í það hvort einhverjir hefðu farið yfir strikið gagnvart þeim í „tilboðum.“

„En við lentum í dinnerum þar sem voru lagðar hendur á bak og læri og alveg óþarfa hlutir en við vorum þrjár og ég þakka fyrir það, við lentum aldrei illa í því en ég játa það að við fengum fáránleg tilboð. En við vorum mættar til að tala um músík og ef það var ekki það sem var að gerast þá þökkuðum við bara fyrir matinn og sögðum bæ.“

Þættina má hlusta á í heild sinni á Spotify og öllum helstu hlaðvarpsveitum.

Deila

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 
- Auglýsing -

Orðrómur

Helgarviðtalið

Lestu meira

Nýtt í dag

Í fréttum er þetta helst...

Mest lesið í vikunni

- Auglýsing -